لمحبي محمد محي فقط

يا جماعه انا لاحظت حاجه غريبه في المنتدي ده وهي قله تواجد الاعضاء فيه انا عارفه ان المنتدي لسه جديد او متعرفش اوي بس عشان يتعرف ويزيد عدد الاعضاء فيه لازم يبقي الاعضاء اللي مشاركين في المنتدي دلوقتي دايما بيساهموا وبيشاركوا في كل مواضيعه يكونوا عندهم استعداد لتطوير المنتدي وده مش هيحصل غير بتواجدنا دايما في المنتدي وانا عندي استعداد اني اساهم بتطوير وزياده عدد مواضيع المنتدي بكل ما يخص نجمنا محمد محي وانا مستنيه اقتراحتكم وردودكم عليا

انا لسه قايل الموضوع دة يا مروة ومعايا كتير عن محى بس قصدى حبيبى ياله واما معاكى

كلامك صح ومتفق معاه تماما.. وانا قلت في اول مشاركة ليا اني هبدأ بنفسي واني هعمل دعاية للمنتدى لزيادة عدد الأعضاء اللي مش عاجبني الرقم ده لأنه مايليقش بنجمنا الكبير.. وانا فعلا بدأت اعمل ده وببعت ايميلات فيها لينك الموقع وبفكر في حاجات تانية..
وانشاءالله هيكون ليا مشاركات كتير هنا والجيه نقد صغير ومتواضع مني كده في باب النقد

انا من راى ان المنتدى ده عايز يكبر بمعنى نعمل قسم للالعاب وقسم للافلام وقسم للابراج يعنى ونهتم بالكلمات الدليليه حتى تسفيد باعضاء جدد

انا شاكر للجميع طبعا وخصوصا مروة انها طرحت الموضوع ده بس اللي عايز يعمل مواضيع ياجماعة يعملها لأن كل مازادت المواضيع زاد الترتيب في جوجل بس برضة مش معناه ان مواضعنا تكون كتيرة وبس لازم مراعاة شروط المنتدى وطبعا معلنة ومعروفة للجميع اما بالنسبة لأقتراح ان يكون في أقسام برامج وغيره يعني متهيألي أن ده هيبعد المنتدى عن النجم اللي معمول المنتدى لمحبيه وياجماعة أسبوع واحد من النهاردة ووعد مني هيكون في مفجآات للجميع وكلنا ادينا في ايد بعض ومانبخلش على المنتدى بساعة واحدة يوميا أقل حاجة وشكرااااااااااا للجميع

انا طبعا معاك يا عمده

يا ريت الناس ما تزعلش المنتدي ده لمحمد محي وبس وممكن نتكلم في كل المواضيع اللي تخصه

واكيد هنلاقي مواضيع كتيره عن النجم

تحياتي للجميع

لولي

هاي يا جماعة أنا واحد من أصحاب محيي وعلى فكرة أنا بجد اللي أقنعتوا بتصوير كليب بتغيب عليا

موضوع: رساله الإثنين يوليو 12, 2010 1:04 pm

انا عضو جديديد برحب بيكم

يا رب .... يكون عندينا الأصرار والعزيمة ....
عشان يكون منتدى "محمد محيى" أجمل منتدى ،لأجمل فنان.

تماام يا مروة انا معاكى بالاقتراح وان شاء الله المنتدى هيتم تطويره بأعضاءه ومشرفيه عشان يكون الافضل اكيد..بس انا عندى اقتراح فى فتح قسم للخواطر الادبية القسم دة مش هيبعدنا عن محى او اخباره لأأنه مرتبط بالكلمه والشعر ودول اهم صفتين فى اغانى محى الراائعة ..تحيااتى للجميع

انا جديده فى المنتدى بس بحب الفنان محمد محى من زمااااااااان واول مره اشوف المنتدى للاشف

اهلاااااااا بييكى يا مريييم نورتى المنتدى بوجودك واتمنى انك تقضى وقت جمييل ف المنتدى ان شاء الله .

أهلاً بيكى يا maryam فى منتدى الأنسان اللى كلنا عشقناه من زمان الرائع " محمد محيى "
ولاذم تشاركى معانا ، وتدخلى كل يوم

Jearma بشكرك أوى على أصرارك على المشاركه .
ولازم نستمر علطول كده ، وندخل كل يوم.

الشكر ليك يا hany aarif ولكل المحيااااااااااوية

شكرا ليكوا كلكم على التفاعل وبرحب بيكم في منتدى اغلى الناس وكل سنة وانتم طيبين وعايزين نزود أعضاء المنتدى علشان نجهز حملة بمناسبة قرب صدور البوم النجم وشكرا

انا عضوه جديده
بحب محى جدا لانة بجد من احسن المطربين اللى تحس انك وانت بتسمعة انك انت اللى بتغنى وبتحكى حكايتك وبحس انه بيحس بكل قلوب الناس
بس عندى سؤال هل هو بيقرا اعجاب الناس بيه وبيهتم بالناس اللى بتحبة وبالمنتدى

أهلا بيكى يا ريهام فى منتدى " أغلى الناس" ، وأكيد ..أكيد محيى بيقرا أعجاب الناس بيه
وبيهتم بكل الناس اللى بتحبه ... عارفه ليه يا ريهام ... لأن "محيى" حاله حقيقيه بجد .. بمعنى أن محيى الفنان
هوه نفسه محيى الأنسان .... وأحاسيسه فى الأغانى ... هى نفس أحاسيسه فى الحياة
عشان كده هو صادق فى الحياه بقدر صدقه فى أغانيه وعشان كده هو مؤكد بيهتم بكل عشاقه.

ريهام كتب:: انا عضوه جديده
بحب محى جدا لانة بجد من احسن المطربين اللى تحس انك وانت بتسمعة انك انت اللى بتغنى وبتحكى حكايتك وبحس انه بيحس بكل قلوب الناس
بس عندى سؤال هل هو بيقرا اعجاب الناس بيه وبيهتم بالناس اللى بتحبة وبالمنتدى

عايز أأكد ليكي ياريهام ان فعلا محي متابع أغلبية معجبيه لأن المنتدى بشكل عام مسلط عليه الضوء من قبل الفريق الإعلامي لمحي وفيه مفجأة مش هحرقها عن قريب هنعلن عنها وانتظرونا

انا دايما احساسى بمحى انه صادق جدا وشخصيتة مش بتختلف عن اغانية ودا سبب تعلق ناس كتير بيه من زمان بالرغم ان مساحتة فى الاعلام مش كبيرة زى بقيت المطربين اللى وصلوا بسرعة الصاروخ هو بجد مظلوم اوى ومش واخد قدرة كويس هو بجد من اكتر المطربين اللى تلاقيه واصل لقلبك فى لحظة وبعدين والله سابق جيلة يعنى مثلا من اول البوم كان اسلوبة مختلف وكان بيكلم فى قضايا لذيذة هما دلوقتى بقى بيحاولوا يعملوا دا زى تامر مثلا بس محى سبقهم بكتير

فعلا .. يا ريهام .. "محى" سابق جيله ..لأنه ربنا أداله الموهبه اللى خلته متفرد ومميز فى أحساسه بالطرب .. بمعنى أنه مفيش فى الدنيا دى غير " محمد محيى" واحد ... وهوه يعتبر بمثابه مدرسه فى تاريخ الأغنيه المصريه بجد وفى ناس من المطربين الجيل ده أتعلموا منه وقلدوه فى أحساسه .. وتلاحظى أن بصمة "محمد محيى" فى أغانيهم... عارفه يا ريهام محيى بدأ صغير جدا حوالى 19 سنه ... وعشان موهبته الكبيره .. كان فى سعيها أكتر من جهة أنتاج عاوزه تعمله شريط ... فمحمد محيى يعتبر من جيل التسعينات ومن الجيل الحالى فى نفس الوقت لان زى مقلتلك أن "محيى" بدأ صغير جدا .... بجد أن بحب الأنسان ده جدا... ومش عارف من غيره كان الكلام اللى بيتغنى هيتحس أزاى .. ربنا يخليه لينا

ارجو التعارف على كل واحد من عشاق محمد محى الاسطورة ( على فكرة انا اشبه محمد كتير ) وبجد نفسى اشوفه علشان انا متيم به

على فكرة الاسطورة كان عامل ديو مع مطربة على ما اعتقد اسمها زينب

انا يا مروى مثل غير الآلاف اللي كنا نبحث عن موقع رسمي للفنان الكبير محمد محي

و الحمدلله انوجد الآن لكن عاوزله كثير شغل ترتيب و تنظيم و غيره

و إن شاء الله و مثل ماوعدنا العمــــــــــده أنو فيه حاجات كثير حتتعمل الفترات الجايه

وكل هذا من أجل أغلا الناس و فعلا هو مظــلـــــــــــــــــــــــــــــــــــــــــــوم

شكرا لك يا مروى