أغنية "من غيرك" .. من أجمل ما غنا ولحن ، الرائع "محمد محيى"

]size=18] كلمات : مرسى السيد ألحان و غناء: محمد محيى

[/size]
التلات 11/9/ 1993 ، منى عينى يا حبيبتى الغالية .... كل سنة وأنتى طيبة .... أزيك
وعاملة أية .... وأية أخبارك .... سمعانى .... واحشانى ....
حبيبتى من غيرك
نبض الحياة موقوف
حبيبتى من غيرك
لون السما مخطوف
أحلامى رعب وخوف
كل الشوارع سد ....
مــــن غــــيـــرك

قنديل أنا مهجور
خاصم معايا النور
جوايا شيىء مكسور
ولا فيش أيدين تتمد ....
مــــن غـــيـــرك

حبيبتى .... تخيلى .... مش لاقى نفسى ولا لاقى .... من يوم فراقك وفراقى .... غير همسك
أنتى اللى تملى بيواسى جرحى وأشواقى .... وأزاى تهونى .... وأنتى عيونى .... وكل منايا أن
الوقت ده تكونى .... قدام عيونك سمعانى .... سمعانى .... حبيبتى سمعانى ..... واحشانى ....

حبيبتى من غيرك
صدق الحياة معدوم
حبيبتى من غيرك
ما عدشى شيىء مفهوم
لاغالب ولا مهزوم
كل الطموح أتهد ....
مــــن غـــيـــرك

قطر السنيين بيفوت
يا حلم عاش مكبوت
بين الحياة والموت
والحزن فوق الخد ....
مــــن غـــيـــرك

حبيبتى مش ضد رحيلك .... لكن عايزك تقنعينى .... أزاى هوايا ساكن جواكى وهتسبينى .... حبيبتى أنا أد أيه مشتاقلك ....
أد أيه محتاجلك .... أد أيه بتمنى أشوفك .... ولو لثوانى ....
سمعانى .... والله العظيم .... والله العظيم واحشانى .......

جميييلة اووى كلمات والحان وغناء فعلاااااااااا راائعة من رواائع محمد محى بشكرك اووى عليهااااااا

فعلا ...يا Jearma الأغنية دى رائعة ، عارفه محمد محيى عملها لحن جامد ، ومحمد محيى قال فى
برنامج سكوت هنغنى أنها من أكتر الأغانى اللى حس بيها .
وبشكرك يا Jearma على مشاركتك فى المنتدى .
على فكره أنا لسه عضو جديد زيك يا Jearma .

بصراحه من اجمل اغانى محى اغنيه رائعه

بشكرك جدا hany aarif واهلااا بيك محيااوى جديد وبكل المحياوية

شكرا ليك ياهاني

loooooooooooooooooooooooooooooooooooooooove it sooooooooooo much